jahan uske jalwe se mamur hai

jahāñ us ke jalve se māmūr hai

jidhar dekhiye nuur hī nuur hai

rag-e-jāñ se bhī hai vo nazdīk-tar

nigāhoñ se har-chand mash.hūr hai

shahanshāh tū hī hai ai zul-jalāl

tirā banda qaisar hai maġhfūr hai

bañdhī hai har ik dil meñ terī hī dhun

har ik lab pe terā hī mazkūr hai

tirā jalva rag rag meñ hai misl-e-ḳhūñ

tire nuur se aañkh pur-nūr hai

tire shukr kā haq adā kis se ho

kahāñ aadmī kā ye maqdūr hai

ta.aqqul kī sarhad se bāhar hai tū

ahāte se idrāk ke duur hai

tirā nūr-e-vahdat taġhayyur se paak

talavvun mazāhir kā dastūr hai

tire fazl kā multajī hai 'ḳhayāl'

mahīnoñ se bechāra ranjūr hai

jahan us ke jalwe se mamur hai

jidhar dekhiye nur hi nur hai

rag-e-jaan se bhi hai wo nazdik-tar

nigahon se har-chand mashhur hai

shahanshah tu hi hai ai zul-jalal

tera banda qaisar hai maghfur hai

bandhi hai har ek dil mein teri hi dhun

har ek lab pe tera hi mazkur hai

tera jalwa rag rag mein hai misl-e-KHun

tere nur se aankh pur-nur hai

tere shukr ka haq ada kis se ho

kahan aadmi ka ye maqdur hai

taqqul ki sarhad se bahar hai tu

ahate se idrak ke dur hai

tera nur-e-wahdat taghayyur se pak

talawwun mazahir ka dastur hai

tere fazl ka multaji hai 'KHayal'

mahinon se bechaara ranjur hai