jaise hi chashm-e-rawaq se gir gaya
jaise hī chashm-e-ravāq se gir gayā
jagmagātā diyā taaq se gir gayā
ek laġhzish se donoñ hī rusvā hue
vo nazar se maiñ āfāq se gir gayā
sher kahne ko likkhā thā maiñ ne abhī
ek mazmūn aurāq se gir gayā
us kī nazroñ se maiñ kyā girā ek baar
yuuñ lagā jaise āfāq se gir gayā
ek beTā takabbur ke ākāsh se
baap ke lafz ik aaq se gir gayā
tīrgī jab na miT paa.ī sūkhā diyā
TimTimātā huā taaq se gir gayā
tamkanat ke sabab ik amīr-ul-mulūk
yaad rakh chashm-e-ḳhallāq se gir gayā
jaise hi chashm-e-rawaq se gir gaya
jagmagata diya taq se gir gaya
ek laghzish se donon hi ruswa hue
wo nazar se main aafaq se gir gaya
sher kahne ko likkha tha main ne abhi
ek mazmun auraq se gir gaya
us ki nazron se main kya gira ek bar
yun laga jaise aafaq se gir gaya
ek beTa takabbur ke aakash se
bap ke lafz ek aaq se gir gaya
tirgi jab na miT pai sukha diya
TimTimata hua taq se gir gaya
tamkanat ke sabab ek amir-ul-muluk
yaad rakh chashm-e-KHallaq se gir gaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
