jaise kaha ye kuze ne girdab ko lapeT

jaise kahā ye kuuze ne girdāb ko lapeT

dil jhaT se bol uTThā ki sanjāb ko lapeT

tū āb-e-zindagī kī haqīqat samajh ke tair

ik āftāb thaam ke tālāb ko lapeT

mujh se lipaT gayā thā koī misl-e-hādsāt

dil bolā apne jism pe ādāb ko lapeT

tū baat maan qaht meñ kashtī banā ai dost

phir apnī chappū-rānī se sailāb ko lapeT

chhuptā nahīñ hai raat kī chādar se chāñd bhī

ai yaar āstīn meñ mahtāb ko lapeT

'patras' ke daur se hī to lāhauriyoñ ne 'aun'

lahore ko kahā hai ki punjab ko lapeT

āḳhir kisī kā hukm to hai ashk ashk ko

bahne se pahle pahle kisī ḳhvāb ko lapeT

jaise kaha ye kuze ne girdab ko lapeT

dil jhaT se bol uTTha ki sanjab ko lapeT

tu aab-e-zindagi ki haqiqat samajh ke tair

ek aaftab tham ke talab ko lapeT

mujh se lipaT gaya tha koi misl-e-hadsat

dil bola apne jism pe aadab ko lapeT

tu baat man qaht mein kashti bana ai dost

phir apni chappu-rani se sailab ko lapeT

chhupta nahin hai raat ki chadar se chand bhi

ai yar aastin mein mahtab ko lapeT

'patras' ke daur se hi to lahauriyon ne 'aun'

lahore ko kaha hai ki punjab ko lapeT

aaKHir kisi ka hukm to hai ashk ashk ko

bahne se pahle pahle kisi KHwab ko lapeT