جیسے کہا یہ کوزے نے گرداب کو لپیٹ

جیسے کہا یہ کوزے نے گرداب کو لپیٹ

دل جھٹ سے بول اٹھا کہ سنجاب کو لپیٹ

تو آب زندگی کی حقیقت سمجھ کے تیر

اک آفتاب تھام کے تالاب کو لپیٹ

مجھ سے لپٹ گیا تھا کوئی مثل حادثات

دل بولا اپنے جسم پہ آداب کو لپیٹ

تو بات مان قحط میں کشتی بنا اے دوست

پھر اپنی چپو رانی سے سیلاب کو لپیٹ

چھپتا نہیں ہے رات کی چادر سے چاند بھی

اے یار آستین میں مہتاب کو لپیٹ

پطرسؔ کے دور سے ہی تو لاہوریوں نے عونؔ

لاہور کو کہا ہے کہ پنجاب کو لپیٹ

آخر کسی کا حکم تو ہے اشک اشک کو

بہنے سے پہلے پہلے کسی خواب کو لپیٹ