jaise ki ek frame ho taswir ke baghair

jaise ki ik frame ho tasvīr ke baġhair

ham-ḳhvāb dekhte rahe ta.abīr ke baġhair

lāzim nahīñ ki pyaar meñ rishta ho jism kā

ḳhushbū hai saath phuul ke zanjīr ke baġhair

koshish to kar ke dekhnā taqdīr kuchh bhī ho

mat haar mānñā kabhī tadbīr ke baġhair

mulkoñ kī fikr chhoḌ ke qabza diloñ pe kar

mil jā.egā jahān ye tasḳhīr ke baġhair

hālāt kā dabāv hai imdād sab qubūl

lekin safed-posh huuñ tash.hīr ke baġhair

vaa.iz kare hai nekiyāñ lālach meñ huur kī

tab hī to us kī baat hai tāsīr ke baġhair

jaise ki ek frame ho taswir ke baghair

ham-KHwab dekhte rahe tabir ke baghair

lazim nahin ki pyar mein rishta ho jism ka

KHushbu hai sath phul ke zanjir ke baghair

koshish to kar ke dekhna taqdir kuchh bhi ho

mat haar manna kabhi tadbir ke baghair

mulkon ki fikr chhoD ke qabza dilon pe kar

mil jaega jahan ye tasKHir ke baghair

haalat ka dabaw hai imdad sab qubul

lekin safed-posh hun tashhir ke baghair

waiz kare hai nekiyan lalach mein hur ki

tab hi to us ki baat hai tasir ke baghair