جیسے سورج کی آنکھ بھی نم ہے
آج کتنا اداس موسم ہے
اب تو میں دشمنوں کی زد میں ہوں
اب مجھے دوستوں کا کیا غم ہے
بجھ چکی ہیں شعور کی کرنیں
واقعی آج روشنی کم ہے
دل کسی کام میں نہیں لگتا
بے دلی کا عجیب عالم ہے
جتنے چہرے ہیں سارے جھوٹے ہیں
جو بھی تصویر ہے وہ مبہم ہے
شہر آباد ہو رہے ہیں نظیرؔ
گاؤں میں ہجرتوں کا موسم ہے
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
