jal bhi milan ke kashT ka thal bhi amin tha

jal bhī milan ke kashT kā thal bhī amiin thā

ye bhī kabhī tirī mirī chāhat kā scene thā

sochā to duur the ka.ī farsañg us ke añg

dekhā to sāmne vo sitāra-jabīn thā

ik arsh thā jhukā huā girne ko sū-e-farsh

ik jism-e-sad-shigāf sar-e-sat.h-e-zīn thā

faT.hoñ se ham-kanār bayābāñ meñ be-mazār

tū ma.anī-e-mubīn tū tashrīh-e-dīn thā

din-sin the sājnā kī girah meñ bañdhe hue

pahlū meñ prīTmā ke ye jīvan rahīn thā

jab ruuh thī barahna to phir jism par libās

zāhir thā maiñ to kis liye parda nashīn thā

khīñchā to mauj-e-mil use bhīñchā to barg-e-gul

vo kāñch se matīn kiran se mahīn thā

nīche gagan ke nīl-kañval khetiyoñ meñ hal

parbat piyā ke bal mirā siina zamīn thā

sadqoñ bhare sabāt the rassī meñ chand haath

neze pe ek sar ki sarāpā yaqīn thā

jal bhi milan ke kashT ka thal bhi amin tha

ye bhi kabhi teri meri chahat ka scene tha

socha to dur the kai farsang us ke ang

dekha to samne wo sitara-jabin tha

ek arsh tha jhuka hua girne ko su-e-farsh

ek jism-e-sad-shigaf sar-e-sath-e-zin tha

faThon se ham-kanar bayaban mein be-mazar

tu mani-e-mubin tu tashrih-e-din tha

din-sin the sajna ki girah mein bandhe hue

pahlu mein priTma ke ye jiwan rahin tha

jab ruh thi barahna to phir jism par libas

zahir tha main to kis liye parda nashin tha

khincha to mauj-e-mil use bhincha to barg-e-gul

wo kanch se matin kiran se mahin tha

niche gagan ke nil-kanwal khetiyon mein hal

parbat piya ke bal mera sina zamin tha

sadqon bhare sabaat the rassi mein chand hath

neze pe ek sar ki sarapa yaqin tha