jal kar bujhte lawe bah kar aaKHir patthar ho jate hain

jal kar bujhte laave bah kar āḳhir patthar ho jaate haiñ

nadiyoñ ko Thukrāne vaale sāhil banjar ho jaate haiñ

nathunī jhumke chūḌī kardhan bichhue jhāñjhar ho jaate haiñ

ik laḌkī ke saare sukh-dukh us ke zevar ho jaate haiñ

rasm rivāyat dīn-dharm īmān bharose vaale hī kyoñ

ishq meñ jiine marne vaale bhī paiġhambar ho jaate haiñ

apnā aap bayāñ karne ke sau ma.aqūl tarīqoñ meñ se

ḳhāmoshī ko chunñe vaale umda shā.ir ho jaate haiñ

but ke aage dhyān lagā.e baiThe rahte haiñ dīvāne

ishq nibhāte rahne vaale dil pūjā-ghar ho jaate haiñ

aap hamāre saath nahīñ rah sakte ho gar aisā hai to

aap hamāre bhītar rah leñ aur ham bāhar ho jaate haiñ

jal kar bujhte lawe bah kar aaKHir patthar ho jate hain

nadiyon ko Thukrane wale sahil banjar ho jate hain

nathuni jhumke chuDi kardhan bichhue jhanjhar ho jate hain

ek laDki ke sare sukh-dukh us ke zewar ho jate hain

rasm riwayat din-dharm iman bharose wale hi kyon

ishq mein jine marne wale bhi paighambar ho jate hain

apna aap bayan karne ke sau maqul tariqon mein se

KHamoshi ko chunne wale umda shair ho jate hain

but ke aage dhyan lagae baiThe rahte hain diwane

ishq nibhate rahne wale dil puja-ghar ho jate hain

aap hamare sath nahin rah sakte ho gar aisa hai to

aap hamare bhitar rah len aur hum bahar ho jate hain