jal kar jis ne jal ko dekha

jal kar jis ne jal ko dekhā

tum ne us pāgal ko dekhā

ḳhvāb diye aur ā.īne meñ

aane vaale kal ko dekhā

vaqt ke sab se ūñche pul se

aate jaate pal ko dekhā

ḳhvāhish ke changul se aage

hairat ke jañgal ko dekhā

sahrā meñ ik kursī dekhī

kursī par sachchal ko dekhā

dekhīñ tishna-lab kī āñkheñ

āñkhoñ ke jal-thal ko dekhā

bādal jab dariyā par barsā

dariyā ne bādal ko dekhā

mausam ne jab karvaT badlī

chādar ne kambal ko dekhā

āñkhoñ kī gahrā.ī jaanī

peshānī ke bal ko dekhā

daldal ke sabze se guzre

sabze ke daldal ko dekhā

maazī ke har peḌ pe ham ne

mustaqbil ke phal ko dekhā

likhne vaalo haath uThā lo

kis kis ne maqtal ko dekhā

tum ne ziddī dekhe hoñge

dil jaise aḌiyal ko dekhā

mushkil kitnī mushkil meñ thī

mushkil ne jab hal ko dekhā

khurach khurach kar shak ne khaddar

mal mal kar malmal ko dekhā

dariyā pīr-ābād meñ kis ne

shālū aur shal shal ko dekhā

qaiñchī jab Dam Dam par jhapTī

kīkar ne pīpal ko dekhā

bālTī gailan tasle dekhe

aur phir maiñ ne nal ko dekhā

dariyā kī lahreñ gin gin ke

paanī kī botal ko dekhā

hairam dev ne sonā khā kar

chāñdī aur pītal ko dekhā

dekhā kyā kyā dekh rahā hai

ġhaur se jab goggle ko dekhā

channel par ḳhabreñ to dekhīñ

ḳhabroñ ke channel ko dekhā

jal kar jis ne jal ko dekha

tum ne us pagal ko dekha

KHwab diye aur aaine mein

aane wale kal ko dekha

waqt ke sab se unche pul se

aate jate pal ko dekha

KHwahish ke changul se aage

hairat ke jangal ko dekha

sahra mein ek kursi dekhi

kursi par sachchal ko dekha

dekhin tishna-lab ki aankhen

aankhon ke jal-thal ko dekha

baadal jab dariya par barsa

dariya ne baadal ko dekha

mausam ne jab karwaT badli

chadar ne kambal ko dekha

aankhon ki gahrai jaani

peshani ke bal ko dekha

daldal ke sabze se guzre

sabze ke daldal ko dekha

mazi ke har peD pe hum ne

mustaqbil ke phal ko dekha

likhne walo hath uTha lo

kis kis ne maqtal ko dekha

tum ne ziddi dekhe honge

dil jaise aDiyal ko dekha

mushkil kitni mushkil mein thi

mushkil ne jab hal ko dekha

khurach khurach kar shak ne khaddar

mal mal kar malmal ko dekha

dariya pir-abaad mein kis ne

shaalu aur shal shal ko dekha

qainchi jab Dam Dam par jhapTi

kikar ne pipal ko dekha

baalTi gailan tasle dekhe

aur phir main ne nal ko dekha

dariya ki lahren gin gin ke

pani ki botal ko dekha

hairam dew ne sona kha kar

chandi aur pital ko dekha

dekha kya kya dekh raha hai

ghaur se jab goggle ko dekha

channel par KHabren to dekhin

KHabron ke channel ko dekha