jala bala hun giraftar-e-haal apna hun

jalā balā huuñ giraftār-e-hāl apnā huuñ

ba-rañg-e-sham.a sarāpā vabāl apnā huuñ

is ashk-e-surḳh o ruḳh-e-zard se samajh le tū

bayān kyā karūñ ḳhud arz-e-hāl apnā huuñ

qarār pakḌe mire dil meñ kab kisī kī shakl

ba-rañg-e-ā.īna mahv-e-jamāl apnā huuñ

na māhtāb huuñ ne āftāb huuñ yā-rab

ye kyā sabab hai ki aaphī zavāl apnā huuñ

jahān-e-ḳhvāb-e-tamāshā jahān kā sab ḳhvāb

ḳhayāl ḳhuub kiyā to ḳhayāl apnā huuñ

ba-rañg-e-naqsh-e-qadam maiñ paḌā huuñ dar pe tire

na pā.emāl kar ai naunihāl apnā huuñ

rah-e-sulūk meñ 'joshish' kisī kā mazra-e-dil

jo pā.emāl karūñ pā.emāl apnā huuñ

jala bala hun giraftar-e-haal apna hun

ba-rang-e-shama sarapa wabaal apna hun

is ashk-e-surKH o ruKH-e-zard se samajh le tu

bayan kya karun KHud arz-e-haal apna hun

qarar pakDe mere dil mein kab kisi ki shakl

ba-rang-e-aina mahw-e-jamal apna hun

na mahtab hun ne aaftab hun ya-rab

ye kya sabab hai ki aaphi zawal apna hun

jahan-e-KHwab-e-tamasha jahan ka sab KHwab

KHayal KHub kiya to KHayal apna hun

ba-rang-e-naqsh-e-qadam main paDa hun dar pe tere

na paemal kar ai naunihaal apna hun

rah-e-suluk mein 'joshish' kisi ka mazra-e-dil

jo paemal karun paemal apna hun