jalate ho mera ghar rakh meri phir uDate ho

jalāte ho mirā ghar raakh merī phir uḌāte ho

havā meñ bhar ke merā dard kyuuñ sab ko dikhāte ho

kī hai tadfīn armānoñ kī dil ke apne madfan meñ

bhulāne do ġham-e-dil roz kyuuñ tum yaad aate ho

ki sūraj Duub jaa.e to kaleja kaaT letā hai

añdherā ye bhī zālim aur sham.eñ tum bujhāte ho

mujhe tajvīz karte ho ki ḳhāmoshī ibādat hai

chubhā jo kāñTā ḳhud ko shor phir kyuuñ tum machāte ho

tumheñ to hifz thā shajara mohabbat kā aqīdat kā

hamāre ba.ad ab dars-e-vafā kis ko sunāte ho

ye merī ḳhud-kalāmī hai jo sab ash.ār kahtī huuñ

'mahak' kī bātoñ kā charchā jahāñ meñ kyuuñ machāte ho

jalate ho mera ghar rakh meri phir uDate ho

hawa mein bhar ke mera dard kyun sab ko dikhate ho

ki hai tadfin armanon ki dil ke apne madfan mein

bhulane do gham-e-dil roz kyun tum yaad aate ho

ki suraj Dub jae to kaleja kaT leta hai

andhera ye bhi zalim aur shamen tum bujhate ho

mujhe tajwiz karte ho ki KHamoshi ibaadat hai

chubha jo kanTa KHud ko shor phir kyun tum machate ho

tumhein to hifz tha shajara mohabbat ka aqidat ka

hamare baad ab dars-e-wafa kis ko sunate ho

ye meri KHud-kalami hai jo sab ashaar kahti hun

'mahak' ki baaton ka charcha jahan mein kyun machate ho