jalne walon ko aur satate hain

jalne vāloñ ko aur satāte haiñ

aao sūraj pe ghar banāte haiñ

chandā māmūñ se dostī kar ke

charḳha buḌhiyā se chhīn laate haiñ

phir se karte haiñ dushmanī ḳhud se

phir se apnoñ ke kaam aate haiñ

aañkh vāloñ se raushnī le kar

naak vāloñ meñ baañT aate haiñ

jis meñ banda na koī sīdhā ho

aisī bastī koī basāte haiñ

booT ḳhvāhish meñ chāTne vaale

apne logoñ pe hal chalāte haiñ

un ko kahte haiñ chhoḌ deñ vo hameñ

saada logoñ se ghar sajāte haiñ

saarī duniyā se mashvara kar ke

apnī marzī ke giit gaate haiñ

jin pe ho naaz zindagī meñ vahī

dil kī īñToñ pe bam girāte haiñ

vā'de karte haiñ jiine marne ke

dhoke kaise ye dil lubhāte haiñ

apnī hastī meñ Dūbne ke liye

ab ke naav nadī pe laate haiñ

jalne walon ko aur satate hain

aao suraj pe ghar banate hain

chanda mamun se dosti kar ke

charKHa buDhiya se chhin late hain

phir se karte hain dushmani KHud se

phir se apnon ke kaam aate hain

aankh walon se raushni le kar

nak walon mein banT aate hain

jis mein banda na koi sidha ho

aisi basti koi basate hain

booT KHwahish mein chaTne wale

apne logon pe hal chalate hain

un ko kahte hain chhoD den wo hamein

sada logon se ghar sajate hain

sari duniya se mashwara kar ke

apni marzi ke git gate hain

jin pe ho naz zindagi mein wahi

dil ki inTon pe bam giraate hain

wa'de karte hain jine marne ke

dhoke kaise ye dil lubhate hain

apni hasti mein Dubne ke liye

ab ke naw nadi pe late hain