jalsa nahin julus nahin shairi nahin
jalsa nahīñ julūs nahīñ shā'irī nahīñ
hālat hamārī phir bhī kisī se chhupī nahīñ
paiġhām se 'ilāj na kar aa ke nabz dekh
sāñseñ milī huī haiñ magar zindagī nahīñ
bolā bigaḌ ke vo mire isrār-e-vasl par
maiñ ne kahā nahīñ to samajh vāqa'ī nahīñ
kal raat vo yaqīn dilā hī gayā mujhe
is zindagī ke baa'd koī zindagī nahīñ
duniyā ke sab ḳhudāoñ kā jamm-e-ġhafīr thā
bande kī ek 'arz kisī ne sunī nahīñ
ḳhud hī kahā karo mirī tā'rīf she'r meñ
ḳhud hī kahā ki ye to koī shā'irī nahīñ
jalsa nahin julus nahin sha'iri nahin
haalat hamari phir bhi kisi se chhupi nahin
paigham se 'ilaj na kar aa ke nabz dekh
sansen mili hui hain magar zindagi nahin
bola bigaD ke wo mere israr-e-wasl par
main ne kaha nahin to samajh waqa'i nahin
kal raat wo yaqin dila hi gaya mujhe
is zindagi ke ba'd koi zindagi nahin
duniya ke sab KHudaon ka jamm-e-ghafir tha
bande ki ek 'arz kisi ne suni nahin
KHud hi kaha karo meri ta'rif she'r mein
KHud hi kaha ki ye to koi sha'iri nahin
- Book : Aakhiri Ishq Sabse Pahle Kiya (Pg. 59)
- Author : Nomaan Shauque
- Publication : Rekhta Publications (2018)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.