jalta hai jigar to chashm nam hai
jaltā hai jigar to chashm nam hai
kyā jaane ye kis kā mujh ko ġham hai
jaave to kanisht-e-dil meñ ho kar
to ka.abe kī raah do qadam hai
dekhe hai vo dhukdhukī meñ jab se
tab se mirā dhukdhuke meñ dam hai
tasvīr tū us kī zulf kī dekh
naqqāsh ye chiin kā qalam hai
gar dīda-e-ġhaur se tū dekhe
hastī jise kahte haiñ adam hai
itne jo hue haiñ ham bad-ahvāl
ye hazrat-e-ishq kā karam hai
har-chand us kī hai har adā shoḳh
manzūr apnā jo ik sanam hai
par dāñtoñ tale zabāñ dabānā
bedād hai qahr hai sitam hai
samjho na faqīr 'mus.hafī' ko
ye vaqt kā apne muhtasham hai
jalta hai jigar to chashm nam hai
kya jaane ye kis ka mujh ko gham hai
jawe to kanisht-e-dil mein ho kar
to kabe ki rah do qadam hai
dekhe hai wo dhukdhuki mein jab se
tab se mera dhukdhuke mein dam hai
taswir tu us ki zulf ki dekh
naqqash ye chin ka qalam hai
gar dida-e-ghaur se tu dekhe
hasti jise kahte hain adam hai
itne jo hue hain hum bad-ahwal
ye hazrat-e-ishq ka karam hai
har-chand us ki hai har ada shoKH
manzur apna jo ek sanam hai
par danton tale zaban dabana
bedad hai qahr hai sitam hai
samjho na faqir 'mushafi' ko
ye waqt ka apne muhtasham hai
- Book : kulliyat-e-mas.hafii(divan-e-soom) (Pg. 237)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
