jalta nahin aur jal raha hun

jaltā nahīñ aur jal rahā huuñ

kis aag meñ maiñ pighal rahā huuñ

maflūj haiñ haath paañv mere

phir zehn meñ kyuuñ ye chal rahā huuñ

ik buuñd nahīñ lahū kī baaqī

kis baat pe maiñ machal rahā huuñ

tum jhuuT ye kah rahe ho mujh se

maiñ bhī kabhī be-badal rahā huuñ

kyuuñ mujh se hue gunāh sarzad

kahne ko to be-'amal rahā huuñ

raa.ī kā banā ke ek parbat

ab us pe yūñhī phisal rahā huuñ

kis haath se haath maiñ milā.ūñ

ab apne hī haath mal rahā huuñ

kyuuñ ā.īna baar baar dekhūñ

maiñ aaj nahīñ jo kal rahā huuñ

ab kaun sā dar rahā hai baaqī

is dar se maiñ kyuuñ nikal rahā huuñ

qadmoñ ke tale to kuchh nahīñ hai

kis chiiz ko maiñ kuchal rahā huuñ

ab koī nahīñ rahā sahārā

maiñ aaj phir se sañbhal rahā huuñ

maiñ kyuuñ karūñ āsmāñ kī ḳhvāhish

ab tak to zamīñ pe chal rahā huuñ

ye barf haTāo mere sar se

maiñ aaj kuchh aur jal rahā huuñ

mujh ko na pilāo koī paanī

pyāsoñ ke maiñ saath chal rahā huuñ

khāne kī nahīñ rahī talab kuchh

ab bhuuk ke bal pe pal rahā huuñ

jalta nahin aur jal raha hun

kis aag mein main pighal raha hun

mafluj hain hath panw mere

phir zehn mein kyun ye chal raha hun

ek bund nahin lahu ki baqi

kis baat pe main machal raha hun

tum jhuT ye kah rahe ho mujh se

main bhi kabhi be-badal raha hun

kyun mujh se hue gunah sarzad

kahne ko to be-'amal raha hun

rai ka bana ke ek parbat

ab us pe yunhi phisal raha hun

kis hath se hath main milaun

ab apne hi hath mal raha hun

kyun aaina bar bar dekhun

main aaj nahin jo kal raha hun

ab kaun sa dar raha hai baqi

is dar se main kyun nikal raha hun

qadmon ke tale to kuchh nahin hai

kis chiz ko main kuchal raha hun

ab koi nahin raha sahaara

main aaj phir se sanbhal raha hun

main kyun karun aasman ki KHwahish

ab tak to zamin pe chal raha hun

ye barf haTao mere sar se

main aaj kuchh aur jal raha hun

mujh ko na pilao koi pani

pyason ke main sath chal raha hun

khane ki nahin rahi talab kuchh

ab bhuk ke bal pe pal raha hun