jalta raha wo umr-bhar apni hi aag mein
jaltā rahā vo umr-bhar apnī hī aag meñ
tere laboñ kī aañch na thī jis ke bhaag meñ
chhoTī sī baat thī magar ik rog ban ga.ī
rāhat milāp hī meñ rahī hai na tyaag meñ
kaise kahūñ use ye dulhan hai bahār kī
phūloñ kā ḳhuuñ mahaktā hai jis ke suhāg meñ
vo husn ban ke gul kī tapish meñ samā gayā
hañs hañs ke jal gayā jo tire ġham kī aag meñ
kahne ko merā saaz hai lekin kise ḳhabar
kis kis kī dhun samā.ī hai ek ek raag meñ
ik daaġh ban ke dil meñ sulagtā hai ai 'salām'
vo phuul jis kā lams nahīñ apne bhaag meñ
jalta raha wo umr-bhar apni hi aag mein
tere labon ki aanch na thi jis ke bhag mein
chhoTi si baat thi magar ek rog ban gai
rahat milap hi mein rahi hai na tyag mein
kaise kahun use ye dulhan hai bahaar ki
phulon ka KHun mahakta hai jis ke suhag mein
wo husn ban ke gul ki tapish mein sama gaya
hans hans ke jal gaya jo tere gham ki aag mein
kahne ko mera saz hai lekin kise KHabar
kis kis ki dhun samai hai ek ek rag mein
ek dagh ban ke dil mein sulagta hai ai 'salam'
wo phul jis ka lams nahin apne bhag mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
