jalte hue gharon ka dhuan mere ghar mein hai

jalte hue gharoñ kā dhuāñ mere ghar meñ hai

taskīn-e-iztirāb had-e-mo'atabar meñ hai

rahmat ke arz-o-tūl kā andāz lā-muhāl

tauba kī āb-o-tāb dam-e-muḳhtasar meñ hai

tahrīr-e-ishtibāh se ghabrā.iye nahīñ

haañ zauq-e-sharh-e-matan har ik nāma-bar meñ hai

ham chaah kar kahīñ bhī Thaharne na pā.eñge

ye saarī kā.enāt barābar safar meñ hai

ye saarā dahr arsa-e-tahsīñ zarūr hai

bas ek māhtāb hamārī nazar meñ hai

'raf'at' kaho shi.ār-e-sukūñ kis kā naam hai

har ek aadmī yahāñ ḳhauf-o-ḳhatar meñ hai

jalte hue gharon ka dhuan mere ghar mein hai

taskin-e-iztirab had-e-mo'atabar mein hai

rahmat ke arz-o-tul ka andaz la-muhaal

tauba ki aab-o-tab dam-e-muKHtasar mein hai

tahrir-e-ishtibah se ghabraiye nahin

han zauq-e-sharh-e-matan har ek nama-bar mein hai

hum chah kar kahin bhi Thaharne na paenge

ye sari kaenat barabar safar mein hai

ye sara dahr arsa-e-tahsin zarur hai

bas ek mahtab hamari nazar mein hai

'raf'at' kaho shiar-e-sukun kis ka nam hai

har ek aadmi yahan KHauf-o-KHatar mein hai