jalti hawaen kah gain azm-e-sabaat chhoD de
jaltī havā.eñ kah ga.iiñ azm-e-sabāt chhoḌ de
terā badan pighal gayā dast-e-hayāt chhoḌ de
aag se khel khel kar kitne jalā liye haiñ haath
tujh se kahā thā bārhā dekh ye baat chhoḌ de
maiñ tere saath huuñ magar ye vo maqām hai ki ab
jo tere jī meñ aa.e kar jā merī baat chhoḌ de
terī nazar sarāb par mujh ko aziiz gard-e-rāh
tū merā ham-safar nahīñ to merā haath chhoḌ de
tishna laboñ ko chuum kar koī to ho jo ye kahe
lashkar-e-maslihat-shanās haT jā furāt chhoḌ de
mārka-e-balā kī shab kis ne kahā ba-sad-ḳhulūs
vo bhī mujhe aziiz hai jo merā saath chhoḌ de
jalti hawaen kah gain azm-e-sabaat chhoD de
tera badan pighal gaya dast-e-hayat chhoD de
aag se khel khel kar kitne jala liye hain hath
tujh se kaha tha barha dekh ye baat chhoD de
main tere sath hun magar ye wo maqam hai ki ab
jo tere ji mein aae kar ja meri baat chhoD de
teri nazar sarab par mujh ko aziz gard-e-rah
tu mera ham-safar nahin to mera hath chhoD de
tishna labon ko chum kar koi to ho jo ye kahe
lashkar-e-maslihat-shanas haT ja furaat chhoD de
marka-e-bala ki shab kis ne kaha ba-sad-KHulus
wo bhi mujhe aziz hai jo mera sath chhoD de
- Book : Dariche (Pg. 49)
- Author : Bashir Saifi
- Publication : Shakhsar Publishers (1975)
- Edition : 1975
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
