jalwa be-maya sa tha chashm-o-nazar se pahle

jalva be-māya sā thā chashm-o-nazar se pahle

ziist ik hādsa thī qalb-o-jigar se pahle

husn ke soz-e-numā.ish kā hai in.ām-e-hayāt

vaqt bhī vaqt na thā shams-o-qamar se pahle

vahī utrī dil-e-betāb kī tashkīl ke ba.ad

ishq ta.amīr huā ilm-o-hunar se pahle

ain firdaus meñ jal uTThā thā aadam kā shabāb

aag barsī thī yahīñ dīda-e-tar se pahle

phir kahīñ dil ke sivā un ko amaañ hī na milī

but nikāle ga.e allāh ke ghar se pahle

zindagī mazra.a-e-taklīf-o-sukūñ hai 'afzal'

shaam ugtī hai yahāñ nūr-e-sahar se pahle

jalwa be-maya sa tha chashm-o-nazar se pahle

zist ek hadsa thi qalb-o-jigar se pahle

husn ke soz-e-numaish ka hai inam-e-hayat

waqt bhi waqt na tha shams-o-qamar se pahle

wahi utri dil-e-betab ki tashkil ke baad

ishq tamir hua ilm-o-hunar se pahle

ain firdaus mein jal uTTha tha aadam ka shabab

aag barsi thi yahin dida-e-tar se pahle

phir kahin dil ke siwa un ko aman hi na mili

but nikale gae allah ke ghar se pahle

zindagi mazra-e-taklif-o-sukun hai 'afzal'

sham ugti hai yahan nur-e-sahar se pahle