jalwa-e-arbab-e-duniya dekhiye

jalva-e-arbāb-e-duniyā dekhiye

svāñg hai ye bhī tamāshā dekhiye

sair ko uTThe to haiñ vahshī mizāj

baaġh jaate haiñ ki sahrā dekhiye

gar-che til hai us ke muñh par ḳhushnumā

nahs hai kyā ek taarā dekhiye

roiye jitnā rulā.e hijr-e-yār

ghar meñ baiThe sair-e-dariyā dekhiye

charḳh-e-mīnā.ī muāfiq ho agar

dūr-daur-e-jām-e-sahbā dekhiye

yā-ilāhī ḳhair phir aa.e bahār

kyā harārā laa.e saudā dekhiye

kal jo kuchh sūrat huī thī miT ga.ī

aur hī hai aaj naqshā dekhiye

abruoñ meñ phir girah paḌne lagī

bal tabī.at meñ phir aayā dekhiye

dardmand-e-chashm haiñ darmāñ-talab

dekhte bhī haiñ masīhā dekhiye

intizār-e-yār kahtā hai yahī

zindagī jab tak hai rastā dekhiye

vasl sābit hai tafādil se magar

kab vo aatā hai zamānā dekhiye

kyā balā-e-bad hai ye bād-e-ḳhizāñ

ho ga.ī sab phuul pattā dekhiye

bazm-e-nā0-pursāñ meñ qismat laa.ī hai

baiThiye apnī agar jā dekhiye

'bahr' agar chamkā sitāra aish kā

lailī-e-gardūñ kā mujrā dekhiye

jalwa-e-arbab-e-duniya dekhiye

swang hai ye bhi tamasha dekhiye

sair ko uTThe to hain wahshi mizaj

bagh jate hain ki sahra dekhiye

gar-che til hai us ke munh par KHushnuma

nahs hai kya ek tara dekhiye

roiye jitna rulae hijr-e-yar

ghar mein baiThe sair-e-dariya dekhiye

charKH-e-minai muafiq ho agar

dur-daur-e-jam-e-sahba dekhiye

ya-ilahi KHair phir aae bahaar

kya harara lae sauda dekhiye

kal jo kuchh surat hui thi miT gai

aur hi hai aaj naqsha dekhiye

abruon mein phir girah paDne lagi

bal tabiat mein phir aaya dekhiye

dardmand-e-chashm hain darman-talab

dekhte bhi hain masiha dekhiye

intizar-e-yar kahta hai yahi

zindagi jab tak hai rasta dekhiye

wasl sabit hai tafadil se magar

kab wo aata hai zamana dekhiye

kya bala-e-bad hai ye baad-e-KHizan

ho gai sab phul patta dekhiye

bazm-e-na0-pursan mein qismat lai hai

baiThiye apni agar ja dekhiye

'bahr' agar chamka sitara aish ka

laili-e-gardun ka mujra dekhiye