جلوۂ مہر و ماہ کیا شام و سحر میں کچھ نہیں

جلوۂ مہر و ماہ کیا شام و سحر میں کچھ نہیں

اب تری یاد کے سوا میری نظر میں کچھ نہیں

پہلی نگاہ عشق کی کرنی ہے سحر حسن پر

ایک ہی بار دیکھیے بار دگر میں کچھ نہیں

اب میں ہوں اس مقام پر رنج و خوشی جہاں ہیں ایک

شام الم کا ذکر کیا نور سحر میں کچھ نہیں

تو ہی نہیں جو ہمکنار پھول کہاں کہاں بہار

اب یہ جہان لالہ زار میری نظر میں کچھ نہیں

یہ ترا حسن عارضی یہ تری شان بے رخی

تیری نظر میں کچھ سہی میری نظر میں کچھ نہیں