jalwa-farosh-e-KHas ka andaz-e-am dekh

jalva-farosh-e-ḳhās kā andāz-e-ām dekh

har zarre ke vajūd meñ us kā qayām dekh

aa.egā past tujh ko nazar phir har āstāñ

sajdoñ meñ baiTh kar tū hasīñ kā maqām dekh

terī talāsh meñ haiñ mire saath sargirāñ

merī hayāt-o-maut kā saudā-e-ḳhām dekh

ho dekhnā uruuj meñ shān-e-zavāl agar

ye mehr-e-nīm-roz ye māh-e-tamām dekh

'maḳhmūr' agar samajh meñ na aa.e ma.āl-e-zīst

ba.ad numūd-e-sub.h siyāhī-e-shām dekh

jalwa-farosh-e-KHas ka andaz-e-am dekh

har zarre ke wajud mein us ka qayam dekh

aaega past tujh ko nazar phir har aastan

sajdon mein baiTh kar tu hasin ka maqam dekh

teri talash mein hain mere sath sargiran

meri hayat-o-maut ka sauda-e-KHam dekh

ho dekhna uruj mein shan-e-zawal agar

ye mehr-e-nim-roz ye mah-e-tamam dekh

'maKHmur' agar samajh mein na aae maal-e-zist

baad numud-e-subh siyahi-e-sham dekh