jalwa kahan ki zor-e-nazar aazmaen hum

jalva kahāñ ki zor-e-nazar āzmā.eñ ham

parda uThā.eñ vo to nazar bhī uThā.eñ ham

ai jān-e-intizār koī aisī shakl bhī

har aane vaale par tirā dhokā na khā.eñ ham

āñkhoñ kī niiñd donoñ tarah se harām hai

us bevafā ko yaad kareñ yā bhulā.eñ ham

masjid kā dar bhī band dar-e-mai-kada bhī band

kis dar pe jaa.eñ kaun sā dar khaTkhaTā.eñ ham

halkā kareñ to kaise kareñ dil ke bojh ko

dast-e-duā uThā.eñ ki sāġhar uThā.eñ ham

pahuñcheñge mai-kade meñ to Dhāleñge be-hisāb

masjid meñ jā.eñge to gineñge ḳhatā.eñ ham

vo shām-e-mai-kada ho ki sub.h-e-haram 'nazīr'

lene lage haiñ donoñ ke sar kī balā.eñ ham

jalwa kahan ki zor-e-nazar aazmaen hum

parda uThaen wo to nazar bhi uThaen hum

ai jaan-e-intizar koi aisi shakl bhi

har aane wale par tera dhoka na khaen hum

aankhon ki nind donon tarah se haram hai

us bewafa ko yaad karen ya bhulaen hum

masjid ka dar bhi band dar-e-mai-kada bhi band

kis dar pe jaen kaun sa dar khaTkhaTaen hum

halka karen to kaise karen dil ke bojh ko

dast-e-dua uThaen ki saghar uThaen hum

pahunchenge mai-kade mein to Dhaalenge be-hisab

masjid mein jaenge to ginenge KHataen hum

wo sham-e-mai-kada ho ki subh-e-haram 'nazir'

lene lage hain donon ke sar ki balaen hum