jalwa paband-e-nazar bhi hai nazar-saz bhi hai
jalwa paband-e-nazar bhi hai nazar-saz bhi hai
Ghulam Rabbani Taban
MORE BYGhulam Rabbani Taban
jalva pāband-e-nazar bhī hai nazar-sāz bhī hai
parda-e-rāz bhī hai parda-dar-e-rāz bhī hai
ham-nafas aag na lag jaa.e kahīñ mahfil meñ
shola-e-sāz bhī hai shola-e-āvāz bhī hai
yuuñ bhī hotā hai mudāvā-e-ġham-e-mahrūmī
jabr-e-sayyād bhī hai hasrat-e-parvāz bhī hai
mere afkār kī rānā.iyāñ tere dam se
merī āvāz meñ shāmil tirī āvāz bhī hai
zindagī zauq-e-numū zauq-e-talab zauq-e-safar
anjuman-sāz bhī hai garm-e-tag-o-tāz bhī hai
mere afkār-o-ḳhayālāt meñ saarī 'tābāñ'
husn-e-dillī bhī hai rānā.i-e-shīrāz bhī hai
jalwa paband-e-nazar bhi hai nazar-saz bhi hai
parda-e-raaz bhi hai parda-dar-e-raaz bhi hai
ham-nafas aag na lag jae kahin mahfil mein
shola-e-saz bhi hai shola-e-awaz bhi hai
yun bhi hota hai mudawa-e-gham-e-mahrumi
jabr-e-sayyaad bhi hai hasrat-e-parwaz bhi hai
mere afkar ki ranaiyan tere dam se
meri aawaz mein shamil teri aawaz bhi hai
zindagi zauq-e-numu zauq-e-talab zauq-e-safar
anjuman-saz bhi hai garm-e-tag-o-taz bhi hai
mere afkar-o-KHayalat mein sari 'taban'
husn-e-dilli bhi hai ranai-e-shiraaz bhi hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
