jamal-e-yar ke dam se ye moajiza hua tha

jamāl-e-yār ke dam se ye mo.ajiza huā thā

har ek samt thī raushan diyā bujhā huā thā

vo yaanī jismoñ meñ rūhoñ ke muntaqil kī ghaḌī

hamāre vāste hairat kā dar khulā huā thā

kahāñ the ahl-e-ḳhirad us ghaḌī batā.eñ mujhe

jab āsmān zamīñ ke liye jhukā huā thā

barahna ḳhvāhisheñ jismoñ pe oḌh kar ham log

samajhte the ki muqaddar meñ ye likhā huā thā

zarūratoñ ne muqayyad hī kar liyā varna

huzūr-e-ishq meñ sar maiñ ne ḳham kiyā huā thā

mirā mizāj to sailāb kī tarah thā magar

ye aur baat tire sāmne rukā huā thā

tujhe ḳhabar nahīñ tere libās meñ 'iqrār'

ġhurūr-e-zāt kā paivand bhī lagā huā thā

jamal-e-yar ke dam se ye moajiza hua tha

har ek samt thi raushan diya bujha hua tha

wo yani jismon mein ruhon ke muntaqil ki ghaDi

hamare waste hairat ka dar khula hua tha

kahan the ahl-e-KHirad us ghaDi bataen mujhe

jab aasman zamin ke liye jhuka hua tha

barahna KHwahishen jismon pe oDh kar hum log

samajhte the ki muqaddar mein ye likha hua tha

zaruraton ne muqayyad hi kar liya warna

huzur-e-ishq mein sar main ne KHam kiya hua tha

mera mizaj to sailab ki tarah tha magar

ye aur baat tere samne ruka hua tha

tujhe KHabar nahin tere libas mein 'iqrar'

ghurur-e-zat ka paiwand bhi laga hua tha