harf-o-KHayal-o-tazgi sheri jamal aur shai

harf-o-ḳhayāl-o-tāzgī she'rī jamāl aur shai

goyā vo husn aur hai us kī sañbhāl aur shai

dekh ye tū nahīñ hai to dekh ye maiñ nahīñ huuñ maiñ

maut alag mu'āmla ain-e-visāl aur shai

yā'nī faqīr ḳhāmushī yā'nī gadā.ī shor hai

yā'nī ye raqs kuchh nahīñ yā'nī dhamāl aur shai

jo ne dikhā.ī de sake us par yaqīn kījiye

ain-e-jamāl aur hai aks-e-jamāl aur shai

tū ne jo pā liyā vo kyā mujh se jo kho gayā vo kyā

terā 'urūj kuchh nahīñ merā zavāl aur shai

yā'nī ki 'ishq kījiye yā'nī ye 'umr kuchh nahīñ

yā'nī ki shauq aur shai ahl-o-ayāl aur shai

dekh junūn-e-ḳhabt meñ farq bahut hai dostā

'ishq kī aag aur hai terā ubaal aur shai

dil meñ ubhar chukā hai jo us kā ġhurūb hī nahīñ

yā'nī ye sharq aur hai goyā shumāl aur shai

harf-o-KHayal-o-tazgi she'ri jamal aur shai

goya wo husn aur hai us ki sanbhaal aur shai

dekh ye tu nahin hai to dekh ye main nahin hun main

maut alag mu'amla ain-e-visal aur shai

ya'ni faqir KHamushi ya'ni gadai shor hai

ya'ni ye raqs kuchh nahin ya'ni dhamal aur shai

jo ne dikhai de sake us par yaqin kijiye

ain-e-jamal aur hai aks-e-jamal aur shai

tu ne jo pa liya wo kya mujh se jo kho gaya wo kya

tera 'uruj kuchh nahin mera zawal aur shai

ya'ni ki 'ishq kijiye ya'ni ye 'umr kuchh nahin

ya'ni ki shauq aur shai ahl-o-ayal aur shai

dekh junun-e-KHabt mein farq bahut hai dosta

'ishq ki aag aur hai tera ubaal aur shai

dil mein ubhar chuka hai jo us ka ghurub hi nahin

ya'ni ye sharq aur hai goya shumal aur shai