jangal mein hi aa pahunche hain jangal se nikal kar

jangal meñ hī aa pahuñche haiñ jangal se nikal kar

khaa.ī meñ gire haiñ kisī daldal se nikal kar

vo mausam-e-āvārgi-e-āb-o-havā hai

barsāt yahāñ phirtī hai bādal se nikal kar

manzūr haiñ kyoñ tum ko judā.ī ke shab-o-roz

kyoñ jaate ho tum vasl ke is pal se nikal kar

ik peḌ na kaam aayā tah-e-ātish-e-ḳhurshīd

maiñ raakh huā maañ tire āñchal se nikal kar

gaDDhe meñ paḌā sūkhtā Thahrā huā paanī

pachhtā rahā hai maujoñ kī halchal se nikal kar

āñkhoñ meñ umaD aa.ī jab idrāk kī bārish

maiñ sair huā ġhaflatoñ ke thal se nikal kar

jangal mein hi aa pahunche hain jangal se nikal kar

khai mein gire hain kisi daldal se nikal kar

wo mausam-e-awargi-e-ab-o-hawa hai

barsat yahan phirti hai baadal se nikal kar

manzur hain kyon tum ko judai ke shab-o-roz

kyon jate ho tum wasl ke is pal se nikal kar

ek peD na kaam aaya tah-e-atish-e-KHurshid

main rakh hua man tere aanchal se nikal kar

gaDDhe mein paDa sukhta Thahra hua pani

pachhta raha hai maujon ki halchal se nikal kar

aankhon mein umaD aai jab idrak ki barish

main sair hua ghaflaton ke thal se nikal kar