jannat ka uske waste paigham aa gaya

jannat kā us ke vāste paiġhām aa gayā

har lamha ġham ke māroñ ke jo kaam aa gayā

Daale hue thā parda jo ḳhud apne 'aib par

nīlām karne mujh ko sar-e-'ām aa gayā

ġham kyā huā nasīb mujhe mere yaar kā

bechain dil ko dā.imī ārām aa gayā

āġhāz jab bhī maiñ ne kisī kaam kā kiyā

apnā hī bhaa.ī karne ko nākām aa gayā

vāhid hai rab kī zaat huā is kā mo'tarif

qismat meñ merī maz.hab-e-islām aa gayā

kyūñkar na tabsira ho mirī ḳhush-nasībī par

jab 'āshiqoñ meñ tere mirā naam aa gayā

dī apnī jaan rāh-e-vafā meñ isī liye

jis kī talab thī 'nāzāñ' vo in'ām aa gayā

jannat ka us ke waste paigham aa gaya

har lamha gham ke maron ke jo kaam aa gaya

Dale hue tha parda jo KHud apne 'aib par

nilam karne mujh ko sar-e-'am aa gaya

gham kya hua nasib mujhe mere yar ka

bechain dil ko daimi aaram aa gaya

aaghaz jab bhi main ne kisi kaam ka kiya

apna hi bhai karne ko nakaam aa gaya

wahid hai rab ki zat hua is ka mo'tarif

qismat mein meri mazhab-e-islam aa gaya

kyunkar na tabsira ho meri KHush-nasibi par

jab 'ashiqon mein tere mera nam aa gaya

di apni jaan rah-e-wafa mein isi liye

jis ki talab thi 'nazan' wo in'am aa gaya