جنت کا اس کے واسطے پیغام آ گیا

جنت کا اس کے واسطے پیغام آ گیا

ہر لمحہ غم کے ماروں کے جو کام آ گیا

ڈالے ہوئے تھا پردہ جو خود اپنے عیب پر

نیلام کرنے مجھ کو سر عام آ گیا

غم کیا ہوا نصیب مجھے میرے یار کا

بے چین دل کو دائمی آرام آ گیا

آغاز جب بھی میں نے کسی کام کا کیا

اپنا ہی بھائی کرنے کو ناکام آ گیا

واحد ہے رب کی ذات ہوا اس کا معترف

قسمت میں میری مذہب اسلام آ گیا

کیوں کر نہ تبصرہ ہو مری خوش نصیبی پر

جب عاشقوں میں تیرے مرا نام آ گیا

دی اپنی جان راہ وفا میں اسی لیے

جس کی طلب تھی نازاںؔ وہ انعام آ گیا