jannat nahin to ku-e-butan kuchh na kuchh to ho

jannat nahīñ to kū-e-butāñ kuchh na kuchh to ho

taskīn-e-dil ko apnī yahāñ kuchh na kuchh to ho

āñkhoñ meñ ashk lab pe fuġhāñ kuchh na kuchh to ho

raaz us pe dard-e-dil kā ayaañ kuchh na kuchh to ho

o be-niyāz ek uchaTtī huī nazar

dil ko bhī zindagī kā gumāñ kuchh na kuchh to ho

chashm-e-karam nahīñ na sahī zahr hī sahī

lekin ilāj-e-dard-e-nihāñ kuchh na kuchh to ho

ehsās-e-zindagī ke liye is jahān meñ

fikr-e-jahāñ ki ishq-e-butāñ kuchh na kuchh to ho

kuchh dil kī dhaḌkanoñ kā mudāvā bhī chāhiye

dast-e-subuk ki sañg-e-girāñ kuchh na kuchh to ho

ai 'shauq' be-sabab to ġhazal-ḳhvāniyāñ nahīñ

tum bhī qatīl-e-chashm-e-butāñ kuchh na kuchh to ho

jannat nahin to ku-e-butan kuchh na kuchh to ho

taskin-e-dil ko apni yahan kuchh na kuchh to ho

aankhon mein ashk lab pe fughan kuchh na kuchh to ho

raaz us pe dard-e-dil ka ayan kuchh na kuchh to ho

o be-niyaz ek uchaTti hui nazar

dil ko bhi zindagi ka guman kuchh na kuchh to ho

chashm-e-karam nahin na sahi zahr hi sahi

lekin ilaj-e-dard-e-nihan kuchh na kuchh to ho

ehsas-e-zindagi ke liye is jahan mein

fikr-e-jahan ki ishq-e-butan kuchh na kuchh to ho

kuchh dil ki dhaDkanon ka mudawa bhi chahiye

dast-e-subuk ki sang-e-giran kuchh na kuchh to ho

ai 'shauq' be-sabab to ghazal-KHwaniyan nahin

tum bhi qatil-e-chashm-e-butan kuchh na kuchh to ho