jannat se nikala na jahannum se nikala
jannat se nikālā na jahannum se nikālā
us ne to mujhe ḳhosha-e-gandum se nikālā
rakhā hai mujhe aaj talak mauj meñ us ne
jis lahar ko girdāb-o-talātum se nikālā
ye bhuul hī baiThā thā zabāñ rakhtā huuñ maiñ bhī
so ḳhud ko tire sahr-e-takallum se nikālā
is ādat-e-tāḳhīr ko ik umr hai darkār
mushkil se tabī.at ko taqaddum se nikālā
tadbīr ko taqdīr kī ġhaflat se jagāyā
ummīd ko bhī tohmat-e-anjum se nikālā
lagtā thā nikal hī nahīñ pā.ūñgā 'suhail' ab
us ne to mujhe ek tabassum se nikālā
jannat se nikala na jahannum se nikala
us ne to mujhe KHosha-e-gandum se nikala
rakha hai mujhe aaj talak mauj mein us ne
jis lahar ko girdab-o-talatum se nikala
ye bhul hi baiTha tha zaban rakhta hun main bhi
so KHud ko tere sahr-e-takallum se nikala
is aadat-e-taKHir ko ek umr hai darkar
mushkil se tabiat ko taqaddum se nikala
tadbir ko taqdir ki ghaflat se jagaya
ummid ko bhi tohmat-e-anjum se nikala
lagta tha nikal hi nahin paunga 'suhail' ab
us ne to mujhe ek tabassum se nikala
- Book : Dasht-zaad (Pg. 101)
- Author : Sohail Akhtar
- Publication : Arshia Publications (2017)
- Edition : 2017
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
