جنتا کو سبز باغ دکھائیں گے مل کے ہم
جنتا کو سبز باغ دکھائیں گے مل کے ہم
ہر اک کو بےوقوف بنائیں گے مل کے ہم
تم دیکھنا سبق جو سکھائیں گے مل کے ہم
بھارت کو اپنے نرک بنائیں گے مل کے ہم
بھرتے رہیں گے اپنے گھروں کی تجوریاں
کنگال اس وطن کو بنائیں گے مل کے ہم
رہنے نہ دیں گے دھرتی کو ہرگز ہری بھری
جو بھی بچے ہیں پیڑ کٹائیں گے مل کے ہم
انسان کیا ہے دیکھ کے شیطان کانپ اٹھے
بھارت میں ایسی دھوم مچائیں گے مل کے ہم
تاریخ اپنے آپ کو دہرائے گی ضرور
وہ دن بھی سب کو جلد دکھائیں گے مل کے ہم
پھر کوئی بھی بجھا نہ سکے گا جسے کبھی
دنیا میں ایسی آگ لگائیں گے مل کے ہم
لی تھی شپت تو دل میں کیا تھا یہ عہد بھی
دنگے فساد خوب کرائیں گے مل کے ہم
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
