jashn-e-hayat ho chuka jashn-e-mamat aur hai
jashn-e-hayāt ho chukā jashn-e-mamāt aur hai
ek barāt aa chukī ek barāt aur hai
ishq kī ik zabān par laakh tarah kī bandisheñ
aap to jo kaheñ bajā aap kī baat aur hai
piine ko is jahān meñ kaun sī mai nahīñ magar
ishq jo bāñTtā hai vo āb-e-hayāt aur hai
zulmat-e-vaqt se kaho hasrat-e-dil nikāl le
zulmat-e-vaqt ke liye aaj kī raat aur hai
un ko 'shamīm' kis tarah nāma-e-ārzū likheñ
likhne kī baat aur hai kahne kī baat aur hai
jashn-e-hayat ho chuka jashn-e-mamat aur hai
ek baraat aa chuki ek baraat aur hai
ishq ki ek zaban par lakh tarah ki bandishen
aap to jo kahen baja aap ki baat aur hai
pine ko is jahan mein kaun si mai nahin magar
ishq jo banTta hai wo aab-e-hayat aur hai
zulmat-e-waqt se kaho hasrat-e-dil nikal le
zulmat-e-waqt ke liye aaj ki raat aur hai
un ko 'shamim' kis tarah nama-e-arzu likhen
likhne ki baat aur hai kahne ki baat aur hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
