jata na mere tain apna tu hunar waiz

jatā na mere ta.iiñ apnā tū hunar vaa.iz

tū apne fe.al se muñh apnā ḳhaak bhar vaa.iz

nasīhat auroñ ko kartā hai chaḌh ke mimber par

magar nahīñ hai tire dil pe kuchh asar vaa.iz

zabāñ pe va.az hai aur dil tirā hai istiġhlāz

ba-va.az-e-behūda mat bāñdh tū kamar vaa.iz

amal ba-va.az kar apne ba-sidq-o-dil varna

tū apne haal ko dekhegā dar-hashar vaa.iz

baḌhā ke riish ko apnī bhī juuñ dum-e-tā.ūs

ye kis ḳhayāl pe bhūlā hai abla-ḳhar vaa.iz

ḳhudā karīm hai chāhegā jis ko baḳhshegā

kisī pe ta.an kī añgusht tū na dhar vaa.iz

tū apne va.az pe vaa.iz na bhuul sach hī nahīñ

ki rāz-e-ishq se tere ta.iiñ ḳhabar vaa.iz

muqābla ba-bahas mat kar ahl-e-rindāñ se

ki jis meñ aap ke ho riish kā zarar vaa.iz

kalām-e-be-namak-o-be-asar se tū apne

ḳharāb mat kare ḳhilqat ḳhudā se Dar vaa.iz

yahāñ vahāñ pe tujhe gar najāt hai manzūr

kisī faqīr ke qadmoñ par sar ko dhar vaa.iz

tū kahiyo pīr-e-muġhāñ se salām 'afrīdī'

agar ba-kū-e-ḳharābāt ho guzar vaa.iz

jata na mere tain apna tu hunar waiz

tu apne feal se munh apna KHak bhar waiz

nasihat auron ko karta hai chaDh ke mimber par

magar nahin hai tere dil pe kuchh asar waiz

zaban pe waz hai aur dil tera hai istighlaz

ba-waz-e-behuda mat bandh tu kamar waiz

amal ba-waz kar apne ba-sidq-o-dil warna

tu apne haal ko dekhega dar-hashar waiz

baDha ke rish ko apni bhi jun dum-e-taus

ye kis KHayal pe bhula hai abla-KHar waiz

KHuda karim hai chahega jis ko baKHshega

kisi pe tan ki angusht tu na dhar waiz

tu apne waz pe waiz na bhul sach hi nahin

ki raaz-e-ishq se tere tain KHabar waiz

muqabla ba-bahas mat kar ahl-e-rindan se

ki jis mein aap ke ho rish ka zarar waiz

kalam-e-be-namak-o-be-asar se tu apne

KHarab mat kare KHilqat KHuda se Dar waiz

yahan wahan pe tujhe gar najat hai manzur

kisi faqir ke qadmon par sar ko dhar waiz

tu kahiyo pir-e-mughan se salam 'afridi'

agar ba-ku-e-KHarabaat ho guzar waiz