jawab ban na saka arz-e-haal hi na kiya

javāb ban na sakā arz-e-hāl hī na kiyā

use ghuTan hai ki maiñ ne savāl hī na kiyā

ham aise peḌ ki sūraj na chhāñv rok sakā

jhulastī dhuup meñ apnā ḳhayāl hī na kiyā

adā ḳhulūs se kī ham ne rasm-e-tark-e-vafā

udaas hī na hue aur malāl hī na kiyā

udhar thā shor-e-jafā intizār-e-radd-e-amal

idhar sukūt thā chehre ko laal hī na kiyā

safar meñ auroñ ko manzil milī to shaad hue

chale to aise ki apnā ḳhayāl hī na kiyā

jawab ban na saka arz-e-haal hi na kiya

use ghuTan hai ki main ne sawal hi na kiya

hum aise peD ki suraj na chhanw rok saka

jhulasti dhup mein apna KHayal hi na kiya

ada KHulus se ki hum ne rasm-e-tark-e-wafa

udas hi na hue aur malal hi na kiya

udhar tha shor-e-jafa intizar-e-radd-e-amal

idhar sukut tha chehre ko lal hi na kiya

safar mein auron ko manzil mili to shad hue

chale to aise ki apna KHayal hi na kiya