jawani aai murad par jab umang jati rahi bashar ki

javānī aa.ī murād par jab umañg jaatī rahī bashar kī

nasīb hote hī chaudhvīñ shab shikoh ruḳhsat huī qamar kī

vo shoḳh chitvan thī kis sitam kī ki jis ne chashmak kahīñ na kam kī

kisī taraf ko jo barq chamkī to samjhe gardish use nazar kī

tirā hī duniyā meñ hai fasāna tirā hī shaidā.ī hai zamāna

tire hī ġham meñ huiiñ ravāna nikal ke rūheñ ḳhudā.ī bhar kī

na āsmāñ hai na vo zamīñ hai makāñ nahīñ vo jahāñ makīñ hai

payambaroñ kā guzar nahīñ hai rasā.ī hai mere nāma-bar kī

khiñchā jo tūl-e-shab-e-judā.ī añdherī madfan kī yaad aa.ī

nigāh o dil par vo yaas chhā.ī umiid jaatī rahī sahar kī

jo ishq-bāzoñ ko āzmāyā lagā ke chhuriyāñ ye qahr Dhāyā

yahāñ yahāñ tak lahū bahāyā ki naubat aa.ī kamar kamar kī

gire jo kuchh surḳh gul zamīñ par kahā ye bulbul ne ḳhaak uḌā kar

huā hai va.ada mirā barābar ye sūrateñ haiñ mire jigar kī

maqām-e-ibrat hai aah ai dil ḳhudā hī kī hai panāh ai dil

nahīñ hai kuchh zād-e-rāh ai dil adam se tākīd hai safar kī

ye ham ne kaisā safar kiyā hai musāfiroñ ko rulā diyā hai

ajal ne āġhosh meñ liyā hai ḳhabar bhī ham ko nahīñ safar kī

vo jald yā-rab inhīñ ko taake lagā de do tiir in par aa ke

ye donoñ rah jaa.eñ phaḌphaḌā ke maiñ dekhūñ lāsheñ dil o jigar kī

kisī kā ma.ashūq chhūTtā hai sahar kā vaqt us ko lūTtā hai

koī ye siine ko kūTtā hai nahīñ hai āvāz ye gajar kī

khichā hai zartār shāmiyāna guloñ se aatī hai bū shahāna

dikhā ke qudrat kā kārḳhāna lahad ne hasrat bhulā dī ghar kī

ġhashī kā aalam vo zor par hai mizāj-e-sehhat se be-ḳhabar hai

davā kā ġhaflat-zada asar hai ḳhabar davā ko nahīñ asar kī

shabāb ne ḳhud-numā banāyā ye nāz-e-ḳhushrūī ne jatāyā

hayā meñ jis vaqt farq aayā to un ke mukhḌe se zulf sarkī

huā huuñ chaurañg teġh-e-hasrat ki dafn kī hai mirī ye sūrat

kisī taraf ko hai dil kī turbat kahīñ hai turbat mire jigar kī

jo us ne zid kī to aafat aa.ī duhā.ī dene lagī ḳhudā.ī

qayāmat us bevafā ne Dhaa.ī idhar kī duniyā 'sharaf' udhar kī

jawani aai murad par jab umang jati rahi bashar ki

nasib hote hi chaudhwin shab shikoh ruKHsat hui qamar ki

wo shoKH chitwan thi kis sitam ki ki jis ne chashmak kahin na kam ki

kisi taraf ko jo barq chamki to samjhe gardish use nazar ki

tera hi duniya mein hai fasana tera hi shaidai hai zamana

tere hi gham mein huin rawana nikal ke ruhen KHudai bhar ki

na aasman hai na wo zamin hai makan nahin wo jahan makin hai

payambaron ka guzar nahin hai rasai hai mere nama-bar ki

khincha jo tul-e-shab-e-judai andheri madfan ki yaad aai

nigah o dil par wo yas chhai umid jati rahi sahar ki

jo ishq-bazon ko aazmaya laga ke chhuriyan ye qahr Dhaya

yahan yahan tak lahu bahaya ki naubat aai kamar kamar ki

gire jo kuchh surKH gul zamin par kaha ye bulbul ne KHak uDa kar

hua hai wada mera barabar ye suraten hain mere jigar ki

maqam-e-ibrat hai aah ai dil KHuda hi ki hai panah ai dil

nahin hai kuchh zad-e-rah ai dil adam se takid hai safar ki

ye hum ne kaisa safar kiya hai musafiron ko rula diya hai

ajal ne aaghosh mein liya hai KHabar bhi hum ko nahin safar ki

wo jald ya-rab inhin ko take laga de do tir in par aa ke

ye donon rah jaen phaDphaDa ke main dekhun lashen dil o jigar ki

kisi ka mashuq chhuTta hai sahar ka waqt us ko luTta hai

koi ye sine ko kuTta hai nahin hai aawaz ye gajar ki

khicha hai zartar shamiyana gulon se aati hai bu shahana

dikha ke qudrat ka karKHana lahad ne hasrat bhula di ghar ki

ghashi ka aalam wo zor par hai mizaj-e-sehhat se be-KHabar hai

dawa ka ghaflat-zada asar hai KHabar dawa ko nahin asar ki

shabab ne KHud-numa banaya ye naz-e-KHushrui ne jataya

haya mein jis waqt farq aaya to un ke mukhDe se zulf sarki

hua hun chaurang tegh-e-hasrat ki dafn ki hai meri ye surat

kisi taraf ko hai dil ki turbat kahin hai turbat mere jigar ki

jo us ne zid ki to aafat aai duhai dene lagi KHudai

qayamat us bewafa ne Dhai idhar ki duniya 'sharaf' udhar ki