jawani is tarah baad-e-jawani yaad aati hai

javānī is tarah bā'd-e-javānī yaad aatī hai

koī bhūlī huī jaise kahānī yaad aatī hai

mohabbat meñ zabāñ kī be-zabānī yaad aatī hai

nazar kī guftugū kī vo ravānī yaad aatī hai

gul-e-tar jām-e-sahbā māh-e-kāmil dekhtā huuñ jab

mujhe be-sāḳhta terī javānī yaad aatī hai

yagānoñ meñ bhī jab begāngī kā rang paatā huuñ

yakāyak dushmanoñ kī mehrbānī yaad aatī hai

sitāroñ kā tabassum dekh kar rotā hai dil merā

ki is 'unvān se apnī kahānī yaad aatī hai

ajal sar par khaḌī hai ḳhatm hone ko hai afsāna

ab aise meñ guzishta zindagānī yaad aatī hai

jawani is tarah ba'd-e-jawani yaad aati hai

koi bhuli hui jaise kahani yaad aati hai

mohabbat mein zaban ki be-zabani yaad aati hai

nazar ki guftugu ki wo rawani yaad aati hai

gul-e-tar jam-e-sahba mah-e-kaamil dekhta hun jab

mujhe be-saKHta teri jawani yaad aati hai

yaganon mein bhi jab begangi ka rang pata hun

yakayak dushmanon ki mehrbani yaad aati hai

sitaron ka tabassum dekh kar rota hai dil mera

ki is 'unwan se apni kahani yaad aati hai

ajal sar par khaDi hai KHatm hone ko hai afsana

ab aise mein guzishta zindagani yaad aati hai