jawani mai-e-arghawani se achchhi

Riyaz Khairabadi

jawani mai-e-arghawani se achchhi

Riyaz Khairabadi

MORE BYRiyaz Khairabadi

    javānī mai-e-arġhavānī se achchhī

    mai-e-arġhavānī javānī se achchhī

    baqā jis meñ ho shai vo faanī se achchhī

    hameñ maut us zindagānī se achchhī

    javānī ho achchhī achchhī kisī

    na hogī tumhārī javānī se achchhī

    ye mai shaiḳh ko nār-e-dozaḳh se baḌh kar

    ye mai ham ko jannat ke paanī se achchhī

    hamesha ko ab ho ga.ī aañkh muusā

    sadā hogī kyā lan-tarānī se achchhī

    agar pāsbānī mile tere dar

    to ḳhidmat nahīñ pāsbānī se achchhī

    milā TuuT kar ham ne tauba jo toḌī

    nibhī chand din shaiḳh faanī se achchhī

    nishāna bane dil rahe tiir dil meñ

    nishānī nahīñ is nishānī se achchhī

    tirī ḳhush-bayānī kyā zikr vaa.iz

    ḳhamoshī tirī ḳhush-bayānī se achchhī

    javānī to guzrī buḌhāpe se bad-tar

    guzar jaa.e piirī javānī se achchhī

    jo ulfat meñ hāsil huiiñ qais tujh ko

    ye nākāmiyāñ kāmrānī se achchhī

    'riyāz' aa raho tum jo sāhir ke dar par

    rahe maut bhī zindagānī se achchhī

    jawani mai-e-arghawani se achchhi

    mai-e-arghawani jawani se achchhi

    baqa jis mein ho shai wo fani se achchhi

    hamein maut us zindagani se achchhi

    jawani ho achchhi si achchhi kisi ki

    na hogi tumhaari jawani se achchhi

    ye mai shaiKH ko nar-e-dozaKH se baDh kar

    ye mai hum ko jannat ke pani se achchhi

    hamesha ko ab ho gai aankh musa

    sada hogi kya lan-tarani se achchhi

    agar pasbani mile tere dar ki

    to KHidmat nahin pasbani se achchhi

    mila TuT kar hum ne tauba jo toDi

    nibhi chand din shaiKH fani se achchhi

    nishana bane dil rahe tir dil mein

    nishani nahin is nishani se achchhi

    teri KHush-bayani ka kya zikr waiz

    KHamoshi teri KHush-bayani se achchhi

    jawani to guzri buDhape se bad-tar

    guzar jae piri jawani se achchhi

    jo ulfat mein hasil huin qais tujh ko

    ye nakaamiyan kaamrani se achchhi

    'riyaz' aa raho tum jo sahir ke dar par

    rahe maut bhi zindagani se achchhi

    Source :
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY