jawanon mein mohabbat nim-jaan malum hoti hai

javānoñ meñ mohabbat nīm-jāñ ma.alūm hotī hai

baḌe būḌhoñ meñ lekin naujavāñ ma.alūm hotī hai

Thikāne kā koī fiqra ye farmātī nahiñ varna

tirī maañ to baḌī ma.aqūl maañ ma.alūm hotī hai

diyā hai haq ne merī saas ko kyā phuul sā chehra

baroz-e-eid bhī ye nauha-ḳhvāñ ma.alūm hotī hai

mire mahbūb tere husn kā ye ik karishma hai

hamārī muflisī ab jāvedāñ ma.alūm hotī hai

alif ne be ke ġham meñ zahr khā kar ḳhud-kushī kar lī

baḌī soch aur purānī dāstāñ ma.alūm hotī hai

kināra merī kashtī ke muqaddar meñ nahiñ shāyad

nahūsat nāḳhudā kī be-karāñ ma.alūm hotī hai

janāb-e-shaiḳh us se roz hī be-nuqta sunte haiñ

ye shaiḳhānī koī ahl-e-zabāñ ma.alūm hotī hai

qutub-mīnār se gir kar marā to doctor bole

ki is kī maut ham ko nā-gahāñ ma.alūm hotī hai

balā se ye ghasīTī jā rahī haiñ rāh-e-ulfat meñ

tarī zulfoñ kī lambā.ī kahāñ ma.alūm hotī hai

bichāre rail ke engine ne bhī kānoñ maiñ uñglī dī

ġham-e-jānāñ ke māroñ kī fuġhāñ ma.alūm hotī hai

bayāñ kyā ho nazākat vo to vo nāzuk-badan niklā

girāñ jis kī samā.at ko azaañ ma.alūm hotī hai

jawanon mein mohabbat nim-jaan malum hoti hai

baDe buDhon mein lekin naujawan malum hoti hai

Thikane ka koi fiqra ye farmati nahin warna

teri man to baDi maqul man malum hoti hai

diya hai haq ne meri sas ko kya phul sa chehra

baroz-e-eid bhi ye nauha-KHwan malum hoti hai

mere mahbub tere husn ka ye ek karishma hai

hamari muflisi ab jawedan malum hoti hai

alif ne be ke gham mein zahr kha kar KHud-kushi kar li

baDi soch aur purani dastan malum hoti hai

kinara meri kashti ke muqaddar mein nahin shayad

nahusat naKHuda ki be-karan malum hoti hai

janab-e-shaiKH us se roz hi be-nuqta sunte hain

ye shaiKHani koi ahl-e-zaban malum hoti hai

qutub-minar se gir kar mara to doctor bole

ki is ki maut hum ko na-gahan malum hoti hai

bala se ye ghasiTi ja rahi hain rah-e-ulfat mein

tari zulfon ki lambai kahan malum hoti hai

bichaare rail ke engine ne bhi kanon main ungli di

gham-e-jaanan ke maron ki fughan malum hoti hai

bayan kya ho nazakat wo to wo nazuk-badan nikla

giran jis ki samaat ko azan malum hoti hai