jazb ki sab intihaon ka tamasha har-taraf

jazb kī sab intihāoñ kā tamāshā har-taraf

tum kahā the tum nahīñ the maiñ hī maiñ thā har-taraf

ye mire dil meñ simaT aa.egī ik din dekhnā

tum ne kis aalam meñ phailā.ī thī duniyā har-taraf

dasht meñ bhī aa mile the kā.enātī silsile

vahshatoñ ne kar diyā thā merā charchā har-taraf

tum ne mere dar pe lā chhoḌā use achchhā kiyā

varna yuuñ hī be-sabab ye ġham bhaTaktā har-taraf

mere haq meñ to har-ik mausam ḳhizāñ-āsār thā

kis kī sannā.ī ne gul-manzar sajāyā har-taraf

jazb ki sab intihaon ka tamasha har-taraf

tum kaha the tum nahin the main hi main tha har-taraf

ye mere dil mein simaT aaegi ek din dekhna

tum ne kis aalam mein phailai thi duniya har-taraf

dasht mein bhi aa mile the kaenati silsile

wahshaton ne kar diya tha mera charcha har-taraf

tum ne mere dar pe la chhoDa use achchha kiya

warna yun hi be-sabab ye gham bhaTakta har-taraf

mere haq mein to har-ik mausam KHizan-asar tha

kis ki sannai ne gul-manzar sajaya har-taraf