jazb kuchh titliyon ke par mein hai
jazb kuchh titliyoñ ke par meñ hai
kaisī ḳhushbū sī us color meñ hai
aane vaalā hai koī sahrā kyā
gard hī gard rahguzar meñ hai
jab se dekhā hai ḳhvāb meñ us ko
dil musalsal kisī safar meñ hai
chhū ke gaaḌī baġhal se kyā guzrī
be-ḳhayālī sī ik nazar meñ hai
maiñ bhī bikhrā huā huuñ apnoñ meñ
vo bhī tanhā sā apne ghar meñ hai
raat tum yaad bhī nahīñ aa.e
phir udāsī sī kyuuñ sahar meñ hai
us kī ḳhāmoshī gūñjtī hogī
shor barpā jo dil-khañDar meñ hai
haath sar par vo shāḳheñ rakhtī haiñ
koī apnā sā us shajar meñ hai
jazb kuchh titliyon ke par mein hai
kaisi KHushbu si us color mein hai
aane wala hai koi sahra kya
gard hi gard rahguzar mein hai
jab se dekha hai KHwab mein us ko
dil musalsal kisi safar mein hai
chhu ke gaDi baghal se kya guzri
be-KHayali si ek nazar mein hai
main bhi bikhra hua hun apnon mein
wo bhi tanha sa apne ghar mein hai
raat tum yaad bhi nahin aae
phir udasi si kyun sahar mein hai
us ki KHamoshi gunjti hogi
shor barpa jo dil-khanDar mein hai
hath sar par wo shaKHen rakhti hain
koi apna sa us shajar mein hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
