jazba-e-nau bhi to hai hasrat-e-nakaam ke sath

jazba-e-nau bhī to hai hasrat-e-nākām ke saath

ḳhvāhish-e-sub.h ubhartī to hai har shaam ke saath

ho vo tahsīn ke hamrāh ki dushnām ke saath

aa to jaatā hai mirā naam tire naam ke saath

tere kūche se bhī guzrā huuñ maiñ ai husn-e-talab

sub.h ke saath kabhī aur kabhī shaam ke saath

mushkileñ raah meñ aatī to bahut haiñ lekin

yaad kar letā huuñ maiñ tujh ko har ik gaam ke saath

pahle merā thā ye ġham ab hai zamāne bhar kā

ġham bhī gardish meñ rahā gardish-e-ayyām ke saath

jhūmtī aatī hai ḳhushbū se bharī aatī hai

jab bhī aatī hai sabā aap ke paiġhām ke saath

jazba-e-nau bhi to hai hasrat-e-nakaam ke sath

KHwahish-e-subh ubharti to hai har sham ke sath

ho wo tahsin ke hamrah ki dushnam ke sath

aa to jata hai mera nam tere nam ke sath

tere kuche se bhi guzra hun main ai husn-e-talab

subh ke sath kabhi aur kabhi sham ke sath

mushkilen rah mein aati to bahut hain lekin

yaad kar leta hun main tujh ko har ek gam ke sath

pahle mera tha ye gham ab hai zamane bhar ka

gham bhi gardish mein raha gardish-e-ayyam ke sath

jhumti aati hai KHushbu se bhari aati hai

jab bhi aati hai saba aap ke paigham ke sath