jazbaat tez-rau hain ki chashme ubal paDe
jazbāt tez-rau haiñ ki chashme ubal paḌe
jab dard tham sakā na to aañsū nikal paḌe
dīvāne se na kījiye dīvāngī kī baat
kyā jaane kyā zabān se us kī nikal paḌe
ai dil mazā to jab hai ki har zaḳhm khā ke bhī
peshānī-e-hayāt pe hargiz na bal paḌe
thiiñ rahguzār-e-zīst meñ dushvāriyāñ magar
ham rah-ravān-e-shauq the gir kar sambhal paḌe
'hāmid' ham apnī manzil-e-gum-nām kyā kahīñ
uTThe jidhar bhī paañv usī samt chal paḌe
jazbaat tez-rau hain ki chashme ubal paDe
jab dard tham saka na to aansu nikal paDe
diwane se na kijiye diwangi ki baat
kya jaane kya zaban se us ki nikal paDe
ai dil maza to jab hai ki har zaKHm kha ke bhi
peshani-e-hayat pe hargiz na bal paDe
thin rahguzar-e-zist mein dushwariyan magar
hum rah-rawan-e-shauq the gir kar sambhal paDe
'hamid' hum apni manzil-e-gum-nam kya kahin
uTThe jidhar bhi panw usi samt chal paDe
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
