jazbon se farozan hain dahakte hue ruKHsar
jazboñ se farozāñ haiñ dahakte hue ruḳhsār
kyā hashr-ba-dāmāñ haiñ dahakte hue ruḳhsār
raushan hai ajal aur abad un kī ziyā se
ye rahmat-e-yazdāñ haiñ dahakte hue ruḳhsār
baḌhne lagī kuchh aur vahāñ ātish-e-jazbāt
dil meñ mere mehmāñ haiñ dahakte hue ruḳhsār
kar dī hai lab o chashm ne tasdīq hamārī
husn-e-ruḳh-e-jānāñ haiñ dahakte hue ruḳhsār
chingāriyāñ uThtī haiñ to lagtī haiñ hameñ phuul
jādū-e-bahārāñ haiñ dahakte hue ruḳhsār
zulfoñ kī havā.eñ to 'suhail' aur ġhazab haiñ
ab aag kā tūfāñ haiñ dahakte hue ruḳhsār
jazbon se farozan hain dahakte hue ruKHsar
kya hashr-ba-daman hain dahakte hue ruKHsar
raushan hai ajal aur abad un ki ziya se
ye rahmat-e-yazdan hain dahakte hue ruKHsar
baDhne lagi kuchh aur wahan aatish-e-jazbaat
dil mein mere mehman hain dahakte hue ruKHsar
kar di hai lab o chashm ne tasdiq hamari
husn-e-ruKH-e-jaanan hain dahakte hue ruKHsar
chingariyan uThti hain to lagti hain hamein phul
jadu-e-bahaaran hain dahakte hue ruKHsar
zulfon ki hawaen to 'suhail' aur ghazab hain
ab aag ka tufan hain dahakte hue ruKHsar
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
