mera KHazana zamane ke hath ja na lage

mirā ḳhazāna zamāne ke haath jā na lage

tujhe kisī kī kisī ko tirī havā na lage

maiñ ek jism ko chakhnā to chāhtā huuñ magar

kuchh is tarah ki mire muñh ko zā.iqa na lage

hameñ lagā so lagā ḳhud-aziyyatī kā nasha

du'ā karo ki tumheñ koī bad-du'ā na lage

du'ā karo ki kisī kā na dil lage tum se

lage to aur kisī se lagā huā na lage

hasad kiyā ho tire rizq se kabhī maiñ ne

to mujh ko apnī kamā.ī huī ġhizā na lage

hameñ hī 'ishq kī tash.hīr chāhiye varna

pata na lagne diyā jaa.e to pata na lage

paḌā rahā maiñ kisī aur hī bakheḌe meñ

bahut se qīmtī jazbe kisī dishā na lage

banā rahā huuñ tasavvur meñ ek muddat se

ik aisā shahr jise koī rāsta na lage

hameñ hī 'ishq kī tash.hīr chāhiye varna

pata na lagne diyā jaa.e to pata na lage

kise ḳhushī nahīñ hotī sarāhe jaane kī

magar vo dost hī kyā hai jo aa.ina na lage

mera KHazana zamane ke hath ja na lage

tujhe kisi ki kisi ko teri hawa na lage

main ek jism ko chakhna to chahta hun magar

kuchh is tarah ki mere munh ko zaiqa na lage

hamein laga so laga KHud-aziyyati ka nasha

du'a karo ki tumhein koi bad-du'a na lage

du'a karo ki kisi ka na dil lage tum se

lage to aur kisi se laga hua na lage

hasad kiya ho tere rizq se kabhi main ne

to mujh ko apni kamai hui ghiza na lage

hamein hi 'ishq ki tashhir chahiye warna

pata na lagne diya jae to pata na lage

paDa raha main kisi aur hi bakheDe mein

bahut se qimti jazbe kisi disha na lage

bana raha hun tasawwur mein ek muddat se

ek aisa shahr jise koi rasta na lage

hamein hi 'ishq ki tashhir chahiye warna

pata na lagne diya jae to pata na lage

kise KHushi nahin hoti sarahe jaane ki

magar wo dost hi kya hai jo aaina na lage