jhank kar parde se ye kya kar diya

jhāñk kar parde se ye kyā kar diyā

dil meñ mere hashr barpā kar diyā

dīda-e-tar meñ thā pinhāñ rāz-e-ishq

ashk ke qatroñ ne ifshā kar diyā

naġhma-e-shīrīñ ne mere dil meñ aaj

dard mīThā-mīThā paidā kar diyā

piite the chhup-chhup ke jām-e-surḳh ham

aañkh kī surḳhī ne rusvā kar diyā

baat thī itnī sī lekin charḳh ne

is ko ik shaitāñ kā charḳhā kar diyā

aañkh merī ab jhapaktī kyoñ nahīñ

jaane terī aañkh ne kyā kar diyā

ḳhuun ke qatre haiñ ye aañsū jinheñ

ek-ek qatre ne dariyā kar diyā

vo sañvarte hī rahe shab bhar 'karan'

āte-āte hī saverā kar diyā

jhank kar parde se ye kya kar diya

dil mein mere hashr barpa kar diya

dida-e-tar mein tha pinhan raaz-e-ishq

ashk ke qatron ne ifsha kar diya

naghma-e-shirin ne mere dil mein aaj

dard miTha-miTha paida kar diya

pite the chhup-chhup ke jam-e-surKH hum

aankh ki surKHi ne ruswa kar diya

baat thi itni si lekin charKH ne

is ko ek shaitan ka charKHa kar diya

aankh meri ab jhapakti kyon nahin

jaane teri aankh ne kya kar diya

KHun ke qatre hain ye aansu jinhen

ek-ek qatre ne dariya kar diya

wo sanwarte hi rahe shab bhar 'karan'

aate-ate hi sawera kar diya