jhagDe agar miTen to zamin bhi hasin hai

jhagḌe agar miTeñ to zamīñ bhī hasīn hai

varna jahān-e-nūr bhī shakl-e-zamīn hai

vo ek zaat hī nahīñ be-nafs jism par

tum ko yaqīñ na aa.egā mujh ko yaqīn hai

maiñ to use bhī ḳhud kī tarah māntā rahā

ab aap ne batāyā ki vo to kamīn hai

mausam ke saath ghar bhī badalnā hai aap ko

zahmat agar na ho to mirī āstīn hai

tum ko hajam baḌhāne kī tarkīb de gayā

lekin vo apne aap meñ kitnā mahīn hai

nannhī sī jaan us pe ġham-e-do-jahāñ kā baar

ai dil tujhe ḳhudā kī qasam āfrīn hai

jhagDe agar miTen to zamin bhi hasin hai

warna jahan-e-nur bhi shakl-e-zamin hai

wo ek zat hi nahin be-nafs jism par

tum ko yaqin na aaega mujh ko yaqin hai

main to use bhi KHud ki tarah manta raha

ab aap ne bataya ki wo to kamin hai

mausam ke sath ghar bhi badalna hai aap ko

zahmat agar na ho to meri aastin hai

tum ko hajam baDhane ki tarkib de gaya

lekin wo apne aap mein kitna mahin hai

nannhi si jaan us pe gham-e-do-jahan ka bar

ai dil tujhe KHuda ki qasam aafrin hai