jhil mein us ka paikar dekha jaise shola pani mein
jhiil meñ us kā paikar dekhā jaise shola paanī meñ
zulf kī lahreñ pechāñ jaise naag ho lapkā paanī meñ
chāndnī shab meñ us ke pīchhe jab maiñ utrā paanī meñ
chāñdī aur sīmāb lagā thā pighlā pighlā paanī meñ
kitne rañg kī machhliyāñ aa.iiñ lalchātī aur bal khātī
qatra qatra merī ragoñ se ḳhuun jo Tapkā paanī meñ
raushan raushan rañg nirāle kaise nādir kitne habāb
qulzum-e-hastī raqs meñ thā yā ek tamāshā paanī meñ
ek qalandar DhūñD rahā thā chāñd sitāroñ meñ jā kar
us kā ḳhudā to poshīda thā anqā jaisā paanī meñ
mujh ko ye mahsūs huā thā apne ahd kā ḳhizr huuñ maiñ
chupke chupke jab bhī maiñ ne ḳhizr ko DhūñDā paanī meñ
ālā.ish dāġhoñ se bharā ye terā badan ik roz 'zafar'
rahmat kī ghaTā jab barsī thī to saaf huā thā paanī meñ
jhil mein us ka paikar dekha jaise shola pani mein
zulf ki lahren pechan jaise nag ho lapka pani mein
chandni shab mein us ke pichhe jab main utra pani mein
chandi aur simab laga tha pighla pighla pani mein
kitne rang ki machhliyan aain lalchati aur bal khati
qatra qatra meri ragon se KHun jo Tapka pani mein
raushan raushan rang nirale kaise nadir kitne habab
qulzum-e-hasti raqs mein tha ya ek tamasha pani mein
ek qalandar DhunD raha tha chand sitaron mein ja kar
us ka KHuda to poshida tha anqa jaisa pani mein
mujh ko ye mahsus hua tha apne ahd ka KHizr hun main
chupke chupke jab bhi main ne KHizr ko DhunDa pani mein
aalaish daghon se bhara ye tera badan ek roz 'zafar'
rahmat ki ghaTa jab barsi thi to saf hua tha pani mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
