jhijak kaisi hai tum bedad par bedad kar lena

jhijak kaisī hai tum bedād par bedād kar lenā

sitam-ījād ho taaza sitam ījād kar lenā

tumheñ mashq-e-jafā manzūr agar hai dil bhī hāzir hai

abhī barbād kar do phir ise ābād kar lenā

rihā.ī ho ki pābandī asiir un ke unhīñ ke haiñ

abhī pāband kar denā abhī āzād kar lenā

ba-juz is ke karūñ to kyā karūñ ai bebasī merī

kabhī ḳhāmosh rah jaanā kabhī fariyād kar lenā

ye zāhir hai ki ham majbūr haiñ kuchh kar nahīñ sakte

sitam tujh se jahāñ tak ho sake sayyād kar lenā

agar shohrat tumheñ manzūr hai ahl-e-mohabbat meñ

sabaq mehr-o-vafā kā dil lagā kar yaad kar lenā

ḳhudā nā-karda tum kyoñ paas aao nā-murādoñ ke

jo mumkin ho to un bhūle huoñ ko yaad kar lenā

jafāoñ par bhī shādāñ huuñ vafāoñ par bhī qurbāñ huuñ

mujhe tum aazmā kar apne dil ko shaad kar lenā

karo 'kaukab' vatan kī qadr kyā baiThe ho tum ġhāfil

kabhī to ḳhidmat-e-ahl-e-murādābād kar lenā

jhijak kaisi hai tum bedad par bedad kar lena

sitam-ijad ho taza sitam ijad kar lena

tumhein mashq-e-jafa manzur agar hai dil bhi hazir hai

abhi barbaad kar do phir ise aabaad kar lena

rihai ho ki pabandi asir un ke unhin ke hain

abhi paband kar dena abhi aazad kar lena

ba-juz is ke karun to kya karun ai bebasi meri

kabhi KHamosh rah jaana kabhi fariyaad kar lena

ye zahir hai ki hum majbur hain kuchh kar nahin sakte

sitam tujh se jahan tak ho sake sayyaad kar lena

agar shohrat tumhein manzur hai ahl-e-mohabbat mein

sabaq mehr-o-wafa ka dil laga kar yaad kar lena

KHuda na-karda tum kyon pas aao na-muradon ke

jo mumkin ho to un bhule huon ko yaad kar lena

jafaon par bhi shadan hun wafaon par bhi qurban hun

mujhe tum aazma kar apne dil ko shad kar lena

karo 'kaukab' watan ki qadr kya baiThe ho tum ghafil

kabhi to KHidmat-e-ahl-e-muradabaad kar lena