jhilmilate hue aansu bhi ajab hote hain

jhilmilāte hue aañsū bhī ajab hote haiñ

shām-e-furqat ke ye jugnū bhī ajab hote haiñ

ye adā husn kī ham kyuuñ nazar-andāz kareñ

us ke bikhre hue gesū bhī ajab hote haiñ

qatl ho koī to kaañp uThtī hai saarī duniyā

dard-e-insāñ ke ye pahlū bhī ajab hote haiñ

kis ko giit apne sunāte haiñ vahāñ kyā kahiye

naġhma-ḳhvānān-e-lab-e-jū bhī ajab hote haiñ

is ḳharābī se to māmūr hai saarā aalam

ye fāsādāt-e-man-o-tū bhī ajab hote haiñ

valvale dil ke na mālūm kidhar le jaa.eñ

kashti-e-dil ke ye chappū bhī ajab hote haiñ

bhā.iyoñ ke sitam o jaur ko kyā tum se kahūñ

'ramz' ye quvvat-e-bāzū bhī ajab hote haiñ

jhilmilate hue aansu bhi ajab hote hain

sham-e-furqat ke ye jugnu bhi ajab hote hain

ye ada husn ki hum kyun nazar-andaz karen

us ke bikhre hue gesu bhi ajab hote hain

qatl ho koi to kanp uThti hai sari duniya

dard-e-insan ke ye pahlu bhi ajab hote hain

kis ko git apne sunate hain wahan kya kahiye

naghma-KHwanan-e-lab-e-ju bhi ajab hote hain

is KHarabi se to mamur hai sara aalam

ye fasadat-e-man-o-tu bhi ajab hote hain

walwale dil ke na malum kidhar le jaen

kashti-e-dil ke ye chappu bhi ajab hote hain

bhaiyon ke sitam o jaur ko kya tum se kahun

'ramz' ye quwwat-e-bazu bhi ajab hote hain